மாகாண சபைகள் மற்றும் உள்ளூராட்சி நிறுவனங்களின் செயற்பாடுகளை மறுஆய்வு செய்வதற்கான தொடர் மாநாடுகளின் முதல் மாநாடு, தென் மாகாணத்தை மையமாகக் கொண்டு, பொது நிர்வாகம், மாகாண சபைகள் மற்றும் உள்ளூராட்சி அமைச்சர் டாக்டர் ஏ.எச்.எம்.எச்.அபயரத்ன மற்றும் மாகாண சபைகள் மற்றும் உள்ளூராட்சி பிரதி அமைச்சர் திரு.பி.ருவான் செனரத் ஆகியோரின் தலைமையில் 18.01.2025 அன்று நடைபெற்றது.

அரசாங்கத்தின் ஐந்தாண்டு திட்டத்தை செயற்படுத்துவதற்கு முன்னர், மாகாண சபைகள் மற்றும் உள்ளூராட்சி நிறுவனங்களில் உள்ள பிரச்சனைகளை அடையாளம் கண்டு, செயற்பாடுகளை மீண்டும் மீண்டும் செய்யாமல் தீர்வு காண்பதற்க்கு தேவையான தீர்வுகளை எட்டுவதற்காக, நாட்டின் அனைத்து மாகாணங்களையும் மையமாகக் கொண்டு இந்த மாநாடுகள் ஒவ்வொரு மாகாணத்திலும் நடத்தப்பட உள்ளன. 2025-2029 ஐந்தாண்டு திட்டம், அதிகாரம் பெற்ற பொது சேவையை உருவாக்குதல், நிலையான பொருளாதாரத்தை கட்டியெழுப்புதல் மற்றும் நிலையான சுற்றுச்சூழல் வளர்ச்சியை உருவாக்குதல் ஆகிய நோக்கங்களுடன் செயற்படுத்தப்படுகிறது.

அரச ஊழியர்களின் நிலையான பாதுகாப்பு உறுதி செய்யப்படும் என்று அமைச்சர் டாக்டர் ஏ.எச்.எம்.எச்.அபயரத்ன கூறினார். இதன் மூலம், ஐந்தாண்டு திட்டத்தை எந்த சந்தேகமும் இல்லாமல் செயற்படுத்துவதில் அரசாங்கத்துடன் இணையவும் என அவர் குறிப்பிட்டார்.

மேலும், மாநாட்டில் உரையாற்றிய மாகாண சபைகள் மற்றும் உள்ளூராட்சி பிரதி அமைச்சர் திரு. பி. ருவான் செனரத், தூய்மையான இலங்கை என்பது சுற்றுச்சூழலை சுத்தம் செய்வது மட்டுமல்ல என்றும் மாகாண சபைகள் மற்றும் உள்ளாட்சி நிறுவனங்களின் ஐந்தாண்டுத் திட்டம் ஐந்து பிரிவுகளின் கீழ் செயல்படுத்தப்பட உள்ளது என்றும் அவர் குறிப்பிட்டார். அரச ஊழியர்களும் பொதுமக்களும் ஒரே பாதையில் செல்ல வேண்டும் என்று முடிவு செய்யப்பட்டுள்ள நேரத்தில், தற்போதைய அரசாங்கம் அரச ஊழியர்களுக்கு வேலை செய்யும் சூழலை உருவாக்கியுள்ளது என்றும் அவர் கூறினார். முந்தைய நிர்வாகங்களில், அரசியல் அதிகாரங்கள் மற்றும் அடக்குமுறைக்கு பயந்து அரச ஊழியர்கள் நாட்டிற்கு சாதகமற்ற எல்லா பணியையும் செய்ய வேண்டியிருந்தாலும், தற்போதைய அரசாங்கம் அத்தகைய சூழ்நிலையை அனுமதிக்காது என்று அமைச்சர் சுட்டிக்காட்டினார். அரச ஊழியர் நிரபராதி என்றால், முழு அரசாங்கமும் எல்லா நேரங்களிலும் அவர் சார்பாகத் இருக்கும்.

தூய்மையான இலங்கை கருத்தின்படி, ஐந்தாண்டுத் திட்டம் பின்வரும் பிரிவுகளின் கீழ் செயற்படுத்தப்பட உள்ளது:

1. மாகாண சபைகள் மற்றும் உள்ளூராட்சி நிறுவனங்களின் சேவைகள் மற்றும் உள் செயல்பாடுகளை டிஜிட்டல் மயமாக்குதல்
2. ஊழியர்களின் திறன் மேம்பாடு
3. நிலையான நிதி ஸ்திரத்தன்மையை நிறுவுதல்
4. மாகாண சபைகள் மற்றும் உள்ளூராட்சி மன்றங்களின் சேவை வசதிகளை விரிவுபடுத்துதல்
5. நிலையான சுற்றுச்சூழல் மேம்பாடு

எதிர்காலத்தில் அதற்கான நிதி ஒதுக்கீட்டில் அரசாங்கம் நேர்மையான பதிலை அளிக்கும் என்று மாகாண சபைகள் மற்றும் உள்ளூராட்சி மன்ற அமைச்சின் அதிகாரிகள் குறிப்பிட்டனர். குறிப்பாக, அமைச்சின் கீழ் உள்ள நிறுவனங்களின் கழிவு மேலாண்மை செயல்பாட்டில், கழிவு மேலாண்மை மீட்பு மையங்களை நிறுவுவது தொடர்பான ஆரம்ப நடவடிக்கைகள் தற்போது நடைபெற்று வருகின்றன. மேலும், அமைச்சின் நிறுவனங்களின் செயல்திறனுக்கான பல திட்டங்கள் உடனடியாகத் தொடங்கப்பட உள்ளன. கழிவு மேலாண்மையில் மாகாண சபைகள் மற்றும் உள்ளூராட்சி மன்றங்களுக்கு ஏதேனும் வருமானம் கிடைத்தால், அது மாகாண சபைகள் மற்றும் உள்ளூராட்சிநிறுவனங்களின் உள்ள முக்கிய பிரச்சனைகளைத் தீர்க்கப் பயன்படுத்தப்படும்.

மாகாண சபைகள் மற்றும் உள்ளூராட்சி மன்றங்களில் உள்ள அதிகாரிகளின் பிரச்சனைகளை அடையாளம் காண்பது, அடிப்படை தீர்வுகளை வழங்குவது, தொடர்புடைய திட்டங்கள் குறித்த அடிப்படை விழிப்புணர்வை வழங்குவதுடன், மாகாண சபைகள் மற்றும் உள்ளூராட்சி மன்ற அதிகாரிகளின் கருத்துகள் மற்றும் பரிந்துரைகளைப் பெறுவதும் இந்த மாநாடுகளை நடத்துவதன் நோக்கமாகும். மீதமுள்ள எட்டு மாகாணங்களிலும் இந்த மீளாய்வு மாநாடுகள் உடனடியாக நடத்தப்பட உள்ளன.

தென் மாகாண ஆளுநர் எம்.கே.பந்துல ஹரிச்சந்திர, பொது நிர்வாகம், மாகாண சபைகள் மற்றும் உள்ளூராட்சி அமைச்சின் செயலாளர் எஸ்.ஆலோகபண்டார மற்றும் தென் மாகாண தலைமைச் செயலாளர் சுமித் அலஹகோன் உள்ளிட்ட அதிகாரிகள் குழு இந்த மாநாட்டில் கலந்து கொண்டனர்